Ku: Fathul Arif, S.Pd (Pampimpin Majelis Taklim Saniatus Subulus Salam Situraja, Sumedang)
Khutbah I
اَلْحَمْدُ لِلّٰهِ حَمْدًا يُوَافِي نِعَمَهُ وَيُكَافِئُ مَزِيْدَه، يَا رَبَّنَا لَكَ الْحَمْدُ كَمَا يَنْبَغِيْ لِجَلَالِ وَجْهِكَ الْكَرِيْمِ وَلِعَظِيْمِ سُلْطَانِكَ. سُبْحَانَكَ اللّٰهُمَّ لَا أُحْصِي ثَنَاءً عَلَيْكَ أَنْتَ كَمَا أَثْنَيْتَ عَلَى نَفْسِكَ. وَأَشْهَدُ أَنْ لَا إِلهَ إِلَّا الله وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَصَفِيُّهُ وَخَلِيْلُه. خَيْرَ نَبِيٍّ أَرْسَلَهُ. أَرْسَلَهُ اللهُ إِلَى الْعَالَـمِ كُلِّهِ بَشِيْرًا وَنَذِيْرًا. اَللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ صَلَاةً وَسَلَامًا دَائِمَيْنِ مُتَلَازِمَيْنِ إِلَى يَوْمِ الدِّيْن. أَمَّا بَعْدُ فَإنِّي أُوْصِيْكُمْ وَنَفْسِي بِتَقْوَى اللهِ الْقَائِلِ فِي كِتَابِهِ الْقُرْآنِ: رَبِّ هَبْ لِي حُكْمًا وَأَلْحِقْنِي بِالصَّالِحِينَ، وَاجْعَلْ لِي لِسَانَ صِدْقٍ فِي الْآخِرِينَHadirin sidang Jum’at anu dimulyakeun ku Allah!
Anu hak dipuji teh ngan Allah, salian ti Allah teu baroga hak dipuji. Ku kituna hayu urang dugikeun pujian urang ka Anjeunna. Anjeunna raja, pangawasa, nu pangbeungharna, sagala pangpangna. Anjeunna nu mere urang hirup katut kahirupanana. Dibere cai keur bekeleun nginumna, dibere otak keur ngolah dunya ciptaan na-Na, amanah-Na, dibere dien atawa agama pikeun patokan hirup, aturan hirup nu bakal mawa urang kana kabagjaan, jeung sajabana nu moal kaitung pilobaeunana. Kasalametan mugia tumetep ka Nabi Muhammad saw., ka kulawargana ka shohabatna, ka ummat na nepi ka urang sarerea nu aya dina ieu riungan.
Hadirin!
Dina raraga ngurus ieu dunya, Allah teh mere hiji pakakas ka urang nyaeta otak. Otak bisa dipake pikeun ngurus, ngolah, ngaramekeun, makieuhkeun ieu dunya. Makieuhkeun ieu dunya teh minangka parentah Allah. Gawe teh minangka hiji kakuduan. Dina dua ayat surat Jum’ah, Allah sasauran:
يايها الذين امنواذانُودي للصلوة من يوم الجمعة فاسعوا إلى ذكر الله وذروا البيع ذلكم خير لكم إن كنتم تعلمون (الجمعة)
“Yeuh jalma-jalma nu ariman, upama dicelukan pikeun ngalak sanakeun shalat dina poe Juma’ah (juma’ahan), prak maraneh geura paheula-heula kana eling ka Allah, sarta maraneh kudu ninggalkeun dagangan (pagawean); kitu laku teh kacida hadena pikeun maraneh upama maraneh nyaraho,” Tapi dina ayat saterusna, dina surat eta keneh, Allah sasauran:
فإذا قضيت الصلوة فانتشروا في الأرض وابتغوامن فضل الله وأذكروا الله كثير العلكم تفلحون. (الجمعة: 10)
“Tuluy upama rengse shalat, bral maraneh geura nyalebar deui di ieu bumi, prak geura nyaliar kurnia Allah, sarta sing loba inget ka Allah (ulah poho ka Allah), supaya maraneh mareunang kabagjaan.”
leu teh dina surat Jum’ah surat ka 62 ayat 9-10.
Hadirin!
Tina ieu surat urang bisa nyokot kacindekan yen shalat teh wajib, sarta kudu buru-buru dilaksanakeun. Lamun urang geus ngadenge panggero pikeun juma’ahan, oge pikeun shalat-shalat sejenna, urang ulah talangke. Upama urang ngadenge tanggara, harita keneh urang kudu datang. Naha urang keur ngetik, keur ngajar, keur macul, keur dagang, keur di kantor, keur nanggung, keur olah raga jeung sajabana, lamun tanggara shalat datang, harita keneh urang gancang ngalaksanakeun.
Juma’ah teh kaasup ibadah mahdhoh, ibadah nu langsung ka Allah. Tapi disatukangeun eta, Allah marentah deui yen lamun geus rengse shalat juma’ah, urang ulah peleya-peleye ngadon nangunjar, gegelehean, miceunan waktu teu puguh; tapi Allah marentah urang kudu gancang fanntasyiruu fil ardhi, bral nyalebar di ieu bumi; pikeun naon? nu dagang neruskeun daganganana, nu tani neruskeun tanina, nu ngetik neruskeun ngetikna, jeung saterusna. Ieu teh parentah Allah, lain jijieunan.
Hadirin! hanjakal urang dina lebah ieu teu kelop. Aya nu buru buru kana shalat, nohonan panggero Allah pikeun ngalaksanakeun ibadah “nu ieu”, tapi leleda naker ngalaksanakeun ibadah nu “hiji deui”. Loba jelema anu baroga anggapan yen nohonan parentah Allah dina lebah fanntasyiruu fil ardhi, miang datang, indit tani mah daek indit henteu kajeun. Dunya teh dipinuhan ku nu sejen, nu digarawe pakpikpek teh nu sejen, nu euweuh kaitanana jeung Islam.
Hadirin!
Naon sababna pangna kieu? pangpangna, sabab urang Islam can sinkron, can kelop merelekeun ayat. Nganggap yen nu ka asup ibadah teh ngan anu aya pakuat pakaitna jeung fas’au ilaa dzikrillaah (gagancangan kana juma’ahan) wungkul, lebah fann tasyiruu fil ardhi-na mah leledana nataku, sabab baroga anggapan yen digawe mah teu kaasup ibadah, Estu sailena, sahayuna, sa daekna. Nu pangnyucudna deui, kana inget ka Allah leleda, kana gawe mah komo, aya deui nu kana gawena enya-enya, soson-soson dibelaan dug hulu pet nyawa, peuting dijieun beurang, beurang mah komo deui. Ieu kabeh kaliru, ngan tangtu di antarana aya nu pangkaliruna.
Hadirin!
Islam teh agama kasaimbangan, teu beurat sabeulah, nu ieu kadunyaan, nu ieu kaakheratan. Dina Islam mah boh digawe nu cenah sipatna kadunyaan, saenyana eta teh keur miara kaakherat an. Dunya lir ibarat tempat pepelakan, tatanduran. Moal kaala buahna lamun teu dipelakan heula. Islam nungtut ka ummatna pi keun soson-soson digawe, ngan kari ngelelempeng paniatanana.
Dina surat Alam Nasyrah nu ampir sarerea pada apal, aya ayat nu nerangkeun yen “lamun anjeun geus rengse tina hiji pagawean, teangan pagawean sejen” nu ceuk basa Qurannamah: فإذا فرغت فانصب ، ( الانشراح : ٧ )
Jeungagambarkeun yen perkara digawe teh lain perkara leuleu tikan, tapi parentah Islam. Ngan digawena kudu digawe nu aya dina ugeran kaislaman.
Hadirin!
Pikeun urang, supaya bisa digawe nu kaasup kana ugeran agama, urang kudu daek maluruh, pagawean kumaha anu dikudu keun. Urang kudu daek diajar digawe nurutkeun katangtuan agama. Lamun urang digawe, neangan rizki, boga pacabakan, nga guruna ka jalma-jalma nu api lain kana agama, ka jalma-jalma nu teu miuk-miuk kana agama, naha kira-kirana bakal pikumahaeun? Ayeuna aya jalma-jalma nu hayang diajar neangan kahirupan nu bener-bener dumasar kana katangtuan agama, tapi euweuh nu nga jarna, rek kumaha?
Teu saeutik jumlahna umat Islam nu boga pamadegan kaliru ngeunaan ieu perkara. Bener aya nu nyanghareupan tea mah, tapi saha nu nyanghareupanana, nu ngajarkeunana, jeung saha nu ngurus makieuhkeunana? Naha maranehanana teh dumasar kana parentah agama atawa parentah salian ti agama? Lamun urang mercayakeun ka nu api lain kana agama, sing percaya yen dina hiji waktu sanggeus manehna mandiri bru di juru bro di panto ngalayah di tengah imah, maranehanana moal nembongkeun ka satiaanana kana Islam, tapi bakal satia ka nu mere ajaranana.
Lamun hirup di daerah kakawasaan komunis, atawa dina kakawa saan agama sejen, urang Islam bakal ngajeunkeun umatna dialajar ekonomina, kabudayaanana jeung rupa-rupa elmu pangaweruhna ka jalma-jalma luareun Islam. Naha kira-kirana maranehanana bakal aya kasatiaan kana Islam atawa moal? Lamun urang ayeuna mercayakeun sapuratina ka nu sejen bari urang boga anggapan urang mah ngagarap ieu bae, kahirupan pulitik, budaya jeung sosial mah keun we da aya nu ngagarapna.
Isuk pageto majar kumaha la mun ekonomi, pulitik, budaya diatur ku batur. Lamun kabuktian dina kanyataan umat Islam masih keneh aya nu baroga pamadegan siga kitu eta sarua bae jeung maranehanana sacara teu sadar geus pipilueun miceunan ajaran Islam sawareh-sawareh.
Ibadah teh lain wungkul perkara ‘ubudiyah mahdhoh tapi aya oge anu ghoir mahdhoh anu perlu diperhatikeun ku umat Islam sabab eta oge mangrupa dawuh Allah jeung conto Rasul anu kudu dilaksanakeun ku sakumna umat Islam. Ku kituna urang ulah eleh set ku batur.
Sing inget yen ruwet jeung pajeu jeutna alam dunya teh disababkeun ku perkara ekonomi dicarekel ku batur anu teu resepeun kana agama, sabab urang atawa umat Islam mah ngabogaan anggapan “urang mah urang ngagarap ieu bae”.
Kukituna khotib umajak hayu urang pada-pada nengetan deui sacara leuwih anteb ayat demi ayat, muthola’ah sing bener bener, tadzabur-an tur tancebkeun dina kalbu, amalkeun dina kahirupan sapopoe. Urang kudu tanggap kana sagala perkara anu tumuwuh dina kahirupan, ulah boga anggapan keun bae da geus aya nu ngagarap.
بَارَكَ الله لِي وَلَكُمْ فِي اْلقُرْآنِ اْلعَظِيْمِ وَنَفَعَنِي وَإِيَّاكُمْ بِمَا فِيْهِ مِنْ آيَةِ وَذِكْرِ الْحَكِيْمِ. أَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم
Khutbah I
الْحَمْدُ لِلّٰهِ وَ الْحَمْدُ لِلّٰهِ ثُمَّ الْحَمْدُ لِلَّهِ. أَشْهَدُ أنْ لآ إلَهَ إِلَّا اللهُ وَحْدَهُ لَا شَرِيكَ لَهُ، وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِيْ لَا نَبِيّ بعدَهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى أَلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ القِيَامَةِ أَمَّا بَعْدُ فَيَا أَيُّهَا النَّاسُ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ. فَقَالَ اللهُ تَعَالَى: إِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ، يٰأَ يُّها الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللّٰهُمَّ صَلِّ عَلَى سَيِّدَنَا مُحَمَّدٍ وَعَلَى أَلِ سَيِّدَنَا مُحَمَّدٍ. اللّٰهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ، اَلْأَحْياءِ مِنْهُمْ وَاْلاَمْوَاتِ. اَللّٰهُمَّ ادْفَعْ عَنَّا اْلبَلاَءَ وَاْلوَبَاءَ والقُرُوْنَ وَالزَّلاَزِلَ وَاْلمِحَنَ وَسُوْءَ اْلفِتَنِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا إِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عامَّةً يَا رَبَّ اْلعَالَمِيْنَ اللّٰهُمَّ أَرِنَا الْحَقَّ حَقًّا وَارْزُقْنَا اتِّبَاعَهُ وَأَرِنَا الْبَاطِلَ بَاطِلًا وَارْزُقْنَا اجْتِنَابَهُ. رَبَّنَا آتِنَا فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. وَاَلْحَمْدُ لِلّٰهِ رَبِّ الْعٰلَمِيْنَ عٍبَادَ اللهِ، إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتاءِ ذِي اْلقُرْبىَ وَيَنْهَى عَنِ اْلفَحْشاءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ اْلعَظِيْمَ يَذْكُرْكُمْ، وَاشْكُرُوْهُ عَلىَ نِعَمِهِ يَزِدْكُمْ، وَلَذِكْرُ اللهِ أَكْبَرْ
